Өндөг нь уураг, шим тэжээл ихтэй тул хүн бүрийн хувьд тэргүүн сонголт байх нь гарцаагүй. Харин үүгээр хэрхэн амт чанар сайтай хоолнууд хийж болох талаар та мэдэх үү? Бид шарж, чанаж, хуурга, омлет зэргийг хийж идэхээс өөрөөр бол барагтай л бол ашигладаггүй билээ. Иймд өнөөдөр өндгөөр хийж болох амтат хоолнуудыг танилцуулахаар бэлтгэлээ. Ингээд мэдээллийн дэлгэрэнгүйтэй танилцъя.
Өндгөөр хийж болох амтат 10 хоол
1Төмстэй омлет
Орц:
Оливын тос- тал аяга
Төмс- 250 гр
Давс, перец
Сонгино- 1 ширхэг
Өндөг- 4 ширхэг
Улаан лооль- 2 ширхэг
Ногоон сонгино- 2 багц
Хийх арга:
Хайруулын тавгандаа тосоо хийж, дунд зэргийн хэмд халаана. Төмсөө арилгаад нимгэн хэрчиж, тосондоо хийж бор шаргал болтол нь хуурах бөгөөд үүндээ нарийн хэрчсэн сонгиноо ч мөн хийж, давс, перецээр амталж өгөх юм. Дараа нь өндгөө давс, перецтэй хольж сайтар хутгах бөгөөд үүнийгээ бага зэрэг халаасан тосонд хийж, жигд шарах аж. Үүн дээрээ төмсөө жигд тавьж өгөөд нөгөө тал руу нь зөөлөн эргүүлж, дахин бага зэрэг шарна. Хамгийн сүүлд омлет дээрээ улаан лоолио хэрчин цацаж, ногоон сонгиноор ч мөн амталж өгнө.
Төмстэй омлет
2Хачиртай өндөг